 |
| Credit: Needpix |
1- عشان يدخل مجال المعلوميات الطبيه أو مجال المعلوميات بشكل عام لو جاي من خلفيه طبيه أو بيولوجيه.
2- عشان يقدم على دراسات عليا في أمريكا بالأخص بالاضافه للمحتوى الرائع اللي موجود بالفعل على النت.
لو مهتم بالموضوع ده, أو تعرف حد مهتم بالموضوع ده,أنا بإذن الله هفضي وقت اني اكتب معلومات تفيدك و تسهل عليك الطريق. ك بدايه, اللي عايز يعرف خطوات التقديم على دكتوراه في أمريكا بشكل عملي لخريجي كليات الطب يتفرج على سلسلة د هاني صقر اللي هحط لينكها هنا. فيه عدد من الحاجات في السلسله دي مش متفق معاه, خصوصا الانطباع اللي بتديه ان الموضوع سهل و بسيط بمجرد حضور بسيط في أي معامل بحثيه, و ده شيء مش حقيقي بالمره خصوصا لو عايز تتقبل في مكان كبير فيه بحث حقيقي و عايز مستقبل كويس بعد التخرج. بغض النظر عن الاختلاف البسيط ده, فالسلسله دي بالفعل كويسه و مفيده جدا.
و للحديث بقيه في البوست الجاي ان شاء الله
بعض الفيديوهات
مبسوط جدا بالتفاعل اللي حاصل مع البوستات لحد دلوقتي, سواء هنا أو على جروب إمتار, و مبسوط ان فيه اهتمام متزايد بالطريق الأكاديمي بجوار الطريق الإكلينيكي المعروف. بعض زملائي طلبوا مني مواضيع بحد ذاتها مهمه ليهم, خصوصا مع اقتراب موعد التقديم للجامعات (الحد الأقصى بيتراوح من ديسمبر لمارس). أنا هبدأ بالمواضيع العمليه اللي اتسأل عنها, فلو عندك موضوع أو سؤال بحد ذاته عايز تسأل عنه, اذكره في الكومنت و انا هضيفه للمواضيع اللي هتطرق ليها قريب. لحد دلوقتي المواضيع اللي اتطلبت مني سواء هنا أو على الجروب أو في الرسايل الخاصه:
ReplyDelete1- امتحان ال
Graduate Records Examination (GRE)
طريقة التحضير ليه, السورسات اللي يتذاكر منها, إلخ إلخ.
2- أنواع الأبحاث اللي تشارك فيها, و إيه ليه وزن أكتر. بالتحديد, إيه وزن ال
systematic reviews and metanalysis
3- ازاي تقوي الخلفيه الرياضيه سواء عشان امتحان الجي أر إي, أو عشان التحضير للماجيستير أو الدكتوراه في مجالات الإحصاء أو المعلوماتيات. إزاي تتعلم البرمجه من الصفر؟
4- التقديم على المنح البحثيه بشكل عام في وقت الكليه أو بعد التخرج.
5- إيه شكل الإيميل اللي تبعته للدكاتره و انت بتقدم على الدكتوراه أو على أي شغل بحثي حتى لو مش مدفوع الأجر؟ تركز على إيه بالتحديد و تعرف منين الدكاتره اللي تبعتلهم؟
6- ازاي تحدد ليستة البرامج اللي تقدم عليها؟
7- ازاي تحدد المعامل اللي تبعتلها و هل يشترط تكون في نفس مجالك؟
8- الفرق بين الماجيستير و الدكتوراه و هل بتقدم على المنح بشكل منفصل عن التقديم للماجيستير أو الدكتوراه؟
9- ازاي تجمع بين الدراسه في كلية الطب و الشغل البحثي أو البرمجي لو انت في مصر؟
10- ايه خطوات و شروط تأجيل التجنيد وقت ما جاتلك المنحه؟
في نهاية كل بوست هحط ليستة الأسئله اللي اتسألتها و لسه ما اتجاوبش عليها. في البوست الجاي ان شاء هبدأ بسؤال رقم 2 عشان خاطر الحبايب
يتبع ...
ممكن لينك لجروب الامتار او اسمه اللي عليه البوست بتاع حضرتك
Delete